Родри го одлучи финалето, Манчестер Сити за првпат е европски шампион!

Манчестер Сити ја оправда фаворитската улога и вечерва во финалето го совлада Интер со минимални 1:0.

Беа фаворити избраниците на Пеп Гвардиола, но сепак на теренот Интер се покажа како рамноправен противник. Првите 45 минути поминаа без посериозни прилики и на двете страни,

Првата најголема шанса на натпреварот ја имаше Интер кога по едно погрешно додавање на Аканџи во одбраната Лаутаро влезе во добра прилика, но Едерсон успеа да го одбрани неговиот удар.

Казната стигна во 68-та минута кога Родри се најде во идеална прилика на „пеналтикот“ и со одличен удар го матираше Онана кој беше немоќен.

GOAL | Manchester City 1-0 Inter | Rodripic.twitter.com/WRn6D6i3j9

— VAR Tático (@vartatico) June 10, 2023

Голема прилика за изедначување Интер имаше преку Лукаку во 88-та минута кога Лукаку не реализираше. За Манчестер Сити ова е прва европска титула во историјата, но и прва сезона во која стигнаа до „триплета“ откако претходно во Англија ги освоија ФА Купот и Премиер лигата.