Римјаните тврдат: Сергеј ова лето бил блиску до трансфер и тоа во клуб од Италија!

Сергеј Милинковиќ Савиќ неодамна заедно со Чиро Имобиле го продолжи договорот до 2023 година.

Тандемот на Римјаните претставува нешто највредно што клубот од Рим го има во својот состав, а посебно Сергеј беше мета на повеќе европски клубови.

Според информациите на римските медиуми, Сергеј Милинковиќ во текот на летото бил многу блиску до трансфер во редовите на Милан! Целата работа наводно била скоро договорена, но на крајот Лотито се откажал бидејќи не бил сигурен околу банкарските гаранции на „росонерите“.

Имено, Милан нудел 40 милиони евра веднаш, додека уште толку требало да уплати до 2021 година, што на претседателот на Римјаните баш и не му се допаднало, па се откажал од целата зделка.

Сега Србинот е мета на жестоки критики од јавноста во Италија, медиумите беа посебно силни со критиките после натпреварот против Фанкфурт во Лигата на Европа.

https://www.youtube.com/watch?v=H8okcgP4kL8