Ова е прв собир на нашите ракометари по настапот на Европското првенство во Хрватска, а селекторот Раул Гонзалес повика комбиниран состав од вкупно 19 ракометари. Меѓу нив ќе ги нема Миркуловски, Јоновски, Прибак и Филип Лазаров, а шанса ќе добијат играчи како Крстевски, Димитриевски и Серафимов. На првата прозивка не се појавија ниту Кире Лазаров и Борко Ристовски кои имаа обврски со своите клубови.
Македонската репрезентација ќе тренира двапати дневно во „Борис Трајковски“.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
– Имаме една недела за да тренираме, да пробаме нови играчи и на пријателскиот натпревар со Русија во сабота сите играчи ќе добијат шанса. Верувам во играчите и очекувам од нив да продолжат со добрите игри. Мора да дадеме повеќе шанси на младите, бидејќи видовте што се случи на ЕП. Киро (Лазаров) се повреди и мораше да игра Мартин (Велковски), затоа е потребно младите да имаат поголема шанса да тренираат, истакна Раул на вчерашниот собир.
Мечот со Русија, кој ќе биде од затворен карактер,се игра вo сабота на 7-ми април, додека двата натпревари со Романија, преку кои во јуни ќе се брка пласман на СП во Германија, се играат на 10 и 13 јуни во Клуж, односно Скопје.
Учество во игри на среќа е дозволено за лица со 18+ години. Играј одговорно!