Рамос: Ако Меси не беше во Барса, Реал ќе имаше повеќе трофеи

Капитенот на Реал Мадрид, Серхио Рамос верува дека можел да освои повеќе трофеи со „кралевите“, ако Лионел Меси не бил во тимот на Барселона.

35-годишниот дефанзивец има четири трофеи во Лигата на шампиони, како и 5 титули во Примера.

Меси во истиот период освои 4 трофеи во ЛШ и дури 10  титули во Примера.

„Страдавме од Меси во сите овие години. Можеби ако Барселона го немаше Меси, ќе освоевме повеќе трофеи. Имаше периоди во кои се боревме против најдобрата Барселона во историјата“.

„Имавме голем тренер како Мурињо, но сепак ни беше тешко да победуваме. Не освојувавме многу и имаше голем притисок, кој беше создаден од нив, но и од самите нас“, открива Рамос во својот документарен филм.