Проблем за Шериф: Приредија сензација во ЛШ, а не можат да си ги добијат парите од УЕФА

Mолдавскиот шампион Шериф Тираспол е вистински хит оваа сезона во Лигата на шампионите.

Шериф прво го победи Шахтјор, а потоа и Реал Мадрид, додека во третото коло од групната фаза го доживеа првиот пораз во натпреварот против Интер. За Шериф ова е дебитантска сезона во Лигата на шампионите и во овој момент имаат заработка од 25 милиони евра.

Меѓутоа сега се појави еден проблем. Имено, клубот нема девизна сметка на која УЕФА би им ги уплатила парите. Проблемот е во тоа што молдавските банки одбиваат да работат со девизни сметки.

За овој проблем од Шериф разговарале со молдавската премиерка Наталија Гаврилито на која и ја објасниле ситуацијата и побарале помош затоа што Шерид во овој момент е мотор на молдавскиот фудбал и најдобар амбасадор на државата. Тие се надеваат дека ќе се направи исклучок во националната политика и на крајот ќе добијат девизна сметка.

За работата да биде полоша за Шериф, регионот од кој доаѓаат има своја банка и валута која не е призната во целиот свет и преку неа Шериф не може да оствари никаков прилив на пари од странство.