„Прилеп опен“ ги собира најдобрите параглајдеристи!

Со манифестацијата „Прилеп опен“, градот под Марковите кули ,Прилеп, викендов ја затвора сезоната за екстремни спортови.

„Прилеп Опен“ на едно место ќе ги собери најдобрите параглајдериси од Македонија и од соседните земји. Во двата натпреварувачки дена ќе продефилираат 70 параглајдеристи, кој ќе се појават на полетувалиштето кај с.Алданци.

„Ова е потенцијал за развој на туризмот и запознавање со убавините и можностите што Прилеп и неговата околина ги нуди за развој на екстремниот спорт“, истакна градоначалникот на Прилеп, Марјан Ристески ,најавувајќи ја оваа манифестација, подржана од градот и локалната самоуправа.

Прилеп изминатите викенди промовираше неколку екстремни спортови, мотокрос, ултрамаратон, параглајдинг, рели офф роад, планински, велосипедски трки, со што стана препознатлива дестинација за екстремно спортување