Пресврт: Матиќ останува на „Олд Трафорд“

Еден од најискустните фудбалери на Манчестер Јунајтед, Немања Матиќ постигна договор и ќе остане на „Олд Трафорд“ уште две години.

31-годишниот играч за врска на почетокот не добиваше минутажа кај Солскјер, но во последно време се избори за место во стартниот тим.

Матиќ беше на излезна врата од „Олд Трафорд“ во јануари и се очекуваше сигурно да замине на крајот на сезоната, но се сличи пресврт на целата ситуација.

Солскјер потврди дека е постигнат договор и дека Србинот ќе остане во Манчестер Јунајтед уште две години.

Се договоривме за нов договор со Матиќ, тој ќе остане со сигурност“, потврди Норвежанецот.

Матиќ е еден од најискусните фудбалери на Јунајтед, па има големо влијание како на теренот, така и во соблекувалната.