По три тешки сезони, ова е „Топчијата“ кој се враќа дома

Метју Дебуши кој во моментов е член на Арсенал наскоро би требало да потпише за Ница. Во следните 24 часа, Дебуши ќе ги мине медицинските прегледи и ќе го комплетира својот трансфер во редовите на францускиот тим.

Некогашниот француски репрезентативец во Ница пристигнува како замена за Рикардо Переира кој по двегодишна позајмица се врати во Порто.

Бекот кој во Арсенал пристигна во 2014. година од Њукасл за 12 милиони фунти, немаше среќа се чини на „Емирати“. Во три сезони колку ги мина во Арсенал имаше само 13 настапи.

Дебуши многу пати беше повреден што го чинеше сериозно во однос на настап во редовите на екипата на Венгер.

За репрезентацијата на Франција запиша 27 настапи и постигна 2 погодоци. Освен за Арсенал, тој настапуваше и за Бордо, Њукасл и Лил.