ПМФЛ: Вардар го доби дербито со Шкупи и заедно со „пандевци“ побегнаа на +9, Шкендија подобра од Работнички

Денес во рамките од 23-тото коло во македонската прва лига беа одиграни пет натпревари.

Вардар во градското дерби беше домаќин на Шкупи и ова беше натпревар на две екипи кои се борат за позициите кои носат излез во Европа.

На крајот натпреварот го доби Вардар минимално со 1:0. Единствениот гол на натпреварот го постигна Дарко Мицевски од пенал во 20-тата минута.

Оваа победа на Вардар одеше во прилог и на Академија Пандев, тим кој има исто бодови како и Вардар (42). Победата на „пандевци“ ја обезбеди Дориев со головите во 22-та од пенал и во 55-тата минута.

Со оваа победа Академија Пандев и Вардар побегнаа на девет бода во однос на четвртопласираниот Шкупи.

Лидерот Шкендија како и Вардар запиша минимална победа. Клубот од Тетово беше подобар од Работнички со 1:0. Одлучувачкиот гол беше дело на Жуниор во 54-тата минута.

Во останатите два натпревари Ренова славеше против Победа на гости со 2:3, додека Македонија Ѓ.П беше подобра од Беласица со 2:1.