Официјално: Серафимов потпиша за МОЛ Фехервар!

Македонскиот репрезентативец Никола Серафимов од денеска е член на унгарскиот гигант МОЛ Фехервар.

Oдбранбениот играч, кој досега ги бранеше боите на ЗТЕ Залаегерсег потпиша тригодишен договор со МОЛ Фехервар, а го избра и бројот 31 кој ќе го носи во иднина.

„Откако пристигнав во Унгарија, видов дека МОЛ Фехервар е еден од најголемите и најдобрите тимови. Знам дека владее одлична атмосфера во клубот и сакам да му помогнам на тимот во остварување на целите“, изјави Серафимов.