Серафимов во тимот на колото во Унгарија, Ристовски и Велковски во Хрватска

Maкедонските репрезентативци Никола Серафимов, Стефан Ристовски и Дарко Велковски се најдоа во идеалните тимови на колото по своите одлични настапи за викендот.

Серафимов со Залаегерсег славеше против МОЛ Фехревар со 2:0. Во овој натпревар Серафимов одигра 90 минути на високо ниво, а доказ за тоа е и местото во идеалните 11.

Во Хрватска место во најдобрите 11 имаше за двајца Македонци. Стефан Ристовски беше асистент во победата на Динамо Загреб против Шибеник, додека Велковски одигра одличен натпревар за Ријека во триумфот над Славен Белупо.

Треба да не радува и посакуваме репрезентативците да продолжат во ваква форма во пресрет на баражот со Италија на 24. март.