Официјално: Голгетерот Калид си замина од Македонија Ѓорче Петров

Tимот на Македонија Ѓорче Петров официјално го потврди заминувањето на голгетерот од Гана Калид.

Калид од Ѓорче се сели во Тунис каде што ќе игра за шампионот Есперанс. Во Македонија Ѓорче Петров веќе се подготвуваа за заминување на Калид со тоа што од неодамна во клубот се врати поранешниот репрезентативец на Македонија, Самир Фазли.

Во изминатата полусезона во ПМФЛ Калид постигна осум голови на 14 натпревари, подели и три асистенции.