Официјално: Гатузо е нов тренер на Марсеј

Тоа што се најавуваше сега доби официјална потврда, Џенаро Гатузо е нов тренер на Олимпик Марсеј.

Марсеј пред некое време се раздели со шпанскиот стручњак Марселино и во изминативе денови бараше негов наследник, па изборот падна на Гатузо.

Италијанецот во минатото беше тренер на Палермо, Офи, Пиза, Милан, Наполи и Валенсија.

„Многу сум среќен и горд што му се приклучувам на Олимпик Марсеј. Тоа е клуб и стадион, „Велодром“ каде што имав можност да играм како играч, прославен низ цела Европа за страста и жарот“, изјави Гатузо.