Нови детали за Ван Дер Сар: Состојбата му е загрижувачка

Легендарниот холандски голман, Едвин Ван Дер Сар (52) вчера доживеа мозочно крварење и е задржа во болницата во Сплит.

Според најновите информации кои ги потврди поранешниот негов клуб, Ајакс, Ван Дер Сар е на интезивна нега и не се знае до кога ќе остане таму.

„Едвин Дан Дер Сар останува на интезивна нега. Неговата состојба е стабилна, но е загрижувачка. Ајакс ги објавува информациите во име на неговата сопруга. Семејството Ван Дер Сар испраќа благодарност за сите пораки на поддршка“, објави холандскиот гигант.

Во текот на играчката кариера, Ван Дер Сар беше дел од една од најславните генераци ина Ајакс од 90-тите години и во 1995 година ја освои Лигата на шампионите.

 Со Манчестер Јунајтед подоцна освои четири титули во Премиер лигата и повторно стана европски шампион во 2008 година. Настапуваше уште за Јувентус и Фулам, со овие два клуба го освојуваше Интертото купот.