На теренот не им оди, но касата на Манчестер Јунајтед и понатаму најмногу се полни

Англискиот гигант Манчестер Јунајтед со 269 милиони евра се наоѓа на првото место фудбалски клубови на основа на заработката од спонзорските договори на годишно ниво.

Клубот од „Олд Трафорд“ има дури 68 комерцијални договори, а веднаш зад нив е Барселона која годишно заработила 261 милион и тие се единствените со преку 200 милиони, покажа анализата на компанијата „CSM Sport & Entertaiment“.

Зад нив следуваат Баерн Минхен, Реал Мадрид, потоа четири англиски клуба – Челзи, Манчестер Сити, Арсенал и Ливерпул, а топ 10 листата ја затвараат Пари Сен Жермен и Јувентус.

Гледајќи ги првенствата не е изнандеување што на врвот и понатаму е англиската Премиер лига каде што клубовите на основа на спозорите имаат приход од 1.2 милијарди ерва, втора е германската Бундес лига со 734.7 милиони, потоа следуваат шпанската Примера со 678.5 милиони евра и Серија А со 439 милиони евра.