Наполи потврди: Елмас не е на продажба!

Италијанските медиуми пренесуваат дека Наполи нема намера да го продава Елиф Елмас и ќе ги одбие сите понуди за македонскиот репрезентативец.

Италијанскиот весник „Ил Матино“ информира дека Аурелио Де Лаурентис ги одбил сите понуди кои пристигнале за македонскиот „дијамант“.

Покрај интерсот од страна на шампионот Милан, конкретна понуда доставил и Торино, но Наполи експресно ја одбил.

Спортскиот директор на Наполи, Кристиано Џинтоли потврди дека Елмас не е на продажба.

„Елмас е во плановите на Наполи и за следната сезона. Играчот не е на продажба“, изјави Џинтоли.