Последните месеци Јулијан Нагелсман повеќепати јавно истакна дека му недостига клупскиот фудбал откако лани беше поставен како привремен селектор на германската фудбалска репрезентација.
Неговиот договор со Фудбалскиот сојуз на Германија истекува по завршувањето на Европското првенство, а во моментов се шпекулира за неговата иднина и има најави дека ќе се врати во клупскиот фудбал. Медиумите во неговата земја тврдат дека тој во овој момент е најблиску до ангажман во Борусија Дортмунд, а главниот аргумент за тоа е интересот на претседателот на клубот, Ханс-Јоаким Вацке.
Исхрана, повреди и тренинг – совети од доктор по спортска медицина | Уште еден поткаст
„Милионерите“ не ја освоиле титулата во Бундеслигата уште од 2012 година, а лани беа на чекор од тоа, но не успеаа затоа што изгубија во последното коло. Вацке смета дека Нагелсман е човекот кој може да ја одведе Борусија до трофејот.
Во моментов тимот се бори за четвртото место, кое води во Лигата на шампионите и ако не успее да го освои, се очекува да дојде до смена на тренерот, а Нагелсман изгледа е прва желба.
Учество во игри на среќа е дозволено за лица со 18+ години. Играј одговорно!