„Мундо Депортиво“ го откри составот за Барселона за денешното дерби

Фудбалерите на Барселона вечерва ќе играат на гости против Атлетико Мадрид во рамките од 10. коло во шпанската Ла Лига.

После репрезентативната пауза каталонскиот клуб сака со победа да ја продолжи сезоната, но јасно е дека ги очекува тешка задача. Играчите на Атлетико ќе бидат дополнително мотивирани бидејќи овој клуб повеќе од десет години не ја победил Барселона во Ла Лига.

Двата тренери во овие моменти имаат проблем со составите

Најголем проблем за Куман е што Серхио Бускетс нема да игра, тој се повреди во натпреварот за Шпанија и ќе биде отсутен неколку недели. Бускетс заедно со Де Јонг е играчот со најголема минутажа кај Куман, но Холанѓанецот сега ќе мора да пронајде ново решение.

Според информациите на „Мундо Депортиво“ вака ќе изгледа составот на Барселона: Тер Штеген, Дест, Пике, Ленгле, Алба, Де Јонг, Пјаниќ, Педри, Меси, Дембеле, Гризман.