Мончи го провоцирал Меси, а неговиот одговор за малку ќе предизвикал физичка пресметка

Барселона синоќа после продолженијата ја победи Севиља со 3:0 и се пласира во финалето на Кралскиот куп.

И синоќа имаше многу искри на теренот, но и на трибините што не е чудно кога играат Барса и Севиља.

Во центарот на вниманието повторно беше спортскиот директор на гостите Мончи кој никако не можеше да се помири со поразот. Мончи уште еднаш се судри со Куман, а кога соиграчите на Барса застанаа во негова одбрана тој не се повлече.

Шпанските медиуми пишуваат дека Мончи тогаш почнал расправија со Меси на кој му порачал: „Секогаш сте победувале со помош на судиите.“, но Меси не остана должен и му врати: „Смири се, ќе си отидеш дома нервозен.“

Наводно, тоа уште повеќе го налутило Мончи кој се обидел и физички да го нападне Меси, но неговиот помошник успеал да го запре и испрати кон соблекувалната на Севиља.

👇 Esto es lo que hemos contado. No hemos dicho que Messi le dijera esta frase a Monchi, son palabras que se escucharon durante la discusión entre varios protagonistas. Sin más. https://t.co/YABxssOo1d

— Adrià Albets (@AdriaAlbets) March 4, 2021