Модриќ е нивниот сон: Италијанскиот гигант лудува за Хрватот, а тој возвраќа на љубовта!

Гигантот на италијанскиот и европскиот фудбал ги започна подготовките за следната сезона. Нов кинески сопственик и дури шест засилувања досега (Андреа Конти ќе биде седмо) ги обединија навивачите кои беа дури пет илјади на првиот тренинг на Милан, каде што ги дочекаа и играчите на Милан.

Together, #weareateam ❤⚫ pic.twitter.com/gJobMrMycK

— AC Milan (@acmilan) July 5, 2017

И покрај тоа што претходно пристигнаа Матео Мусакио, Франк Кеси, Рикардо Родригез, Андре Силва, Фабио Борини и Хакан Чалханоглу, клубот од „Сан Сиро“ не сака да престане со тоа, напротив. Никола Калиниќ е многу блиску до доаѓање во клубот и неодамна изјави дека сака да стане нов играч на Милан, а управата исто така ги прати и Обамејанг, Родригез и Белоти и уште некои „големи риби“ во трансфер периодот.

Меѓутоа, со Калиниќ црвено-црниот дрес следната сезона би можел да го носи уште еден Хрват, барем ако се прашуваат навивачите, а новата управа сигурно внимателно ги слуша нивните желби.

Нивниот најголем сон е Лука Модриќ. Вчера во Милано навивачите го пееа името на хрватскиот капитен кој до сега се споменуваше како можно засилување. Сепак, навивачите сакаат да извршат притисок на клубот, но и на Модриќ, бидејќи „Росонерите“ бараат диригент на средината на теренот. Играч кој ќе биде мозок на тимот, а армијата на навивачите токму Модриќ го сметаат за идеално решение.

 

Luka Modric pendiente del Milan?⚫?⚫
???????
Porque comenzar a darle like al Milan justo ahora que el Milan es de los Chinos???⚫ pic.twitter.com/Ic7XSGr3Rj

— Planeta Milan??⚫ (@PlanetaMilan) May 24, 2017

Тоа не е се. Вистинската лудница околку Модриќ од час во час добива нови детали. Навивачите преку социјалните мрежи го повикуваат Хрватот да го напушти Реал и да пристигне во Милан, а тука е и неговата фотографија од детството каде што носи маичка од италијанскиот клуб и во рацете држи трофеј.

Не е тајна дека 31-годишниот играч, во најмала рака, го цени Милан, а некои тврдат дека и навива за него. Во прилог оди и фактот што на Инстаграм ги следи случувањата во клубот од Апенините и често ги лајкнува фотографиите, што не е изгубено кај навивачите.

Дури Лука вчера и лајкна фотографија во која позира во дресот на Милан, чиј сонот на миланските поддржувачи го направи уште пореален и на некој начин им обезбеди поддршка со проектот – „Модриќ во Милан“.

Така вчера на неговиот профил на Википедија накратко пишуваше: „Лука Модриќ, хрватски играч за врска и фудбалер на италијанскиот Милан“, но набрзо беше отстрането и вратено како што е сега, по што Модриќ е член на Реал Мадрид, со кого освои три Лига на Шампиони.

Модриќ има договор со Реал до 2020. година, а неговата цена на трансфер пазарот е 40 милиони евра.