Модриќ ги насмеа „италијаните“: Дали навистина го мислиш ова?

Во сабота се игра големото финале во Лигата на шампионите, а Лука Модриќ е во лов на својот трет европски трофеј во последните четири години.

Една изјава на Хрватот ги насмеа навивачите на италијанскиот шампион. Имено, Модриќ изјави дека Реал има подобра одбрана од онаа на Јувентус.

„Не Јувентус, туку Реал има најдобра одбрана во светот“, изјави Модриќ, а тоа не би било чудно доколку „старата дама“ не примеше само три погодоци во досегашниот тек од најелитното европско натпреварување.

Јувентус во нокаут фазата ја зачува мрежата во првите пет натпревари, против Порто, Барселона и Монако, а Бонучи и дружината капитулираа дури во реванш натореварот против францускиот клуб.

Хрватот потоа испрати пофалби до својот тренер Зинедин Зидан.

„Неверојатно е што се направи, ако се знае во каков момент пристигна во клубот. Успеа да промени се, сите му веруваме и се чуствуваме важни“, истакна Модриќ.