Минхен кандидат за домаќин на финалето од ЛШ во 2021 година

Минхен ќе биде кандидат за домаќин на финалето од Лигата на шампиони во 2021 или 2022 година, потврди фудбалскиот сојуз на Германија.

Минхен веќе официјално ја испрати кандидатурата за финалето во 2021 година, а другиот кандидат е Санкт Петербург.

УЕФА со гласање на 22-ри март ќе одлучува за тоа кој ќе биде домаќин на финалињата во најелитниот турнир за 2021 и 2022 година.

Минхен беше домаќин на финалињата од ЛШ во 1993 и 1997 година на олимпискиот стадион, а во 2012 година финалето се играше на модерната „Алијанц Арена“.

Санкт Петербург се уште не бил домаќин на финале од големо европско натпреварување, па поради тоа се смета како фаворит за финалето во 2021 година.

Оваа година финалето од Лигата на шампиони ќе се игра на новиот стадион на Атлетико Мадрид „Ванда Метрополитано“.