Милан испадна од игра за Тодибо, Французинот се сели во Бундеслигата

Францускиот фудбалер Жан Клер-Тодибо (20) нема да ја засили екипата на Милан туку кариерата ќе ја продолжи во Бундеслигата.

Иако изминативе денови Милан преговараше со Барселона за неговото пристигнување во Сан Сиро, 20-годишниот Французин сепак нема да го облече дресот на „Росонерите“.

Овој талентиран фудбалер ја продолжува кариерата во Шалке. Екипата од Гелзенкирхен договори шестмесечна позајмица на овој фудбалер и тој ќе се приклучи на германскиот тим во наредните денови.

Од друга страна, Милан ќе мора да најде друго решение за нивниот тим, а Тодибо ќе го гледаме во дресот на Шалке.

Тодибо пристигна во Барселона во 2018 година од Тулуз, но има одиграно само четири натпревари за првиот тим на каталонскиот великан.