Миланско дерби за ѕвездата на Атлетико

Миланските гиганти се борат за Скудетото, но водат битка и на трансфер пазарот за потписот на аргентинскиот плејмејкер, Родриго де Паул.

Атлетико Мадрид минатото лето за неговиот потпис на Удинезе му плати 35 милиони евра и Аргентинецот се очекуваше да биде големо засилување.

Меѓутоа Де Паул не се снајде баш најдобро во Мадрид, нема голема минутажа и би можел на крајот на сезоната да се врати во Серија А.

Таквата ситуација сакаат да ја искористат миланските клубови и веќе стапиле во контакт со неговиот агент.

Де Паул е отворен да се врати во Серија А бидејќи не е задоволен во Атлетико Мадрид, па останува да видиме дали Милан или Интер ќе излезе како победник во трката за неговиот потпис.