Манчестер Јунајтед спрема зимска „бомба“ од 80 милиони

Манчестер Јунајтед е спремен во зимскиот преоден рок да потроши голема сума на засилувања, а прва мета е играчот за врска на Вест Хем, Деклан Рајс.

Солскјер силно го посакува Рајс, кој игра одлично како во клубот така и во репрезентацијата, па „црвените ѓаволи“ се спремни да понудат 80 милиони евра за неговиот потпис.

Неговата вредност на пазарот секојдневно расте, па Јунајтед сака да го реализира трансферот уште во јануари и со тоа да ја победи конкуренцијата.

Рајс неодамна потпиша петгодишен договор со Вест Хем, па „црвените ѓаволи“ ќе треба добро да го одврзат ќесето за да го донесат на „Олд Трафорд“.

„Тоа се само шпекулации, се додека клубот не преземе конкретни чекори. Јас сум фокусиран на настапите за Вест Хем, ќе видиме што ќе се случи во иднина“, изјави Рајс.