Манчестер Јунајтед го сака дефанзивецот на ПСЖ

Дефанзивецот на ПСЖ, Преснал Кимпембе побарал од раководството да му биде дозволен трансфер, бидејќи не е задоволен од ситуацијата во клубот.

26-годишниот Французин е дете на ПСЖ и целата кариера ја помина на „Паркот на Принцовите“, но сега сака нов предизвик во кариерата.

Раководството нема да му стои на патот и му порачало дека може да си бара нов клуб, а ПСЖ очекува за неговиот потпис да добие 40 милиони евра.

Најсилен интерес за него покажува Манчестер Јунајтед, кој на лето како приоритет има да ја засили одбраната.

Кимпембе има многу понуди на маса, но тој преферира да се пресели во Премиер лигата.