Луис Енрике: Имавме среќа, но заслуживме финале!

Фудбалерите на Барселона се изборија за финале во кралскиот Куп, откако синоќа одиграа 1:1 против Атлетико и ја одбранија предноста стекната на гостински терен.

Пласманот на Барселона во финалето остана во сенка на контроверзното судење и неоправдано понишрениот гол на Гризман, кој можеше да му донесе продолженија на „јорганџиите“.

„Беше многу тешко, мораме да бидеме многу среќни. Не поради начинот на кој игравме, туку затоа што продолживме да пишуваме историја“, изјави Луис Енрике.

„Барса е клуб за победи, а нашите навивачи секогаш се на највисоко ниво. Затоа настапот во финале сакаме да им го посветиме на нашите фанови бидејќи беа со нас и не бодреа да издржиме до крај. Беше тешко, Атлетико направи огромен притисок, на крајот имавме и малку среќа, но заслужено сме во финале“, заклучи тренерот на Каталонците.