Во последно време македонскиот репрезентативец, Езгјан Алиоски добива голема доверба од Марсело Биелса и често беше во стартниот тим на Лидс.
Зошто проблемот со улични кучиња СÈ УШТЕ постои? | Уште еден поткаст
На стартот од Премиер лигата Алиоски беше резерва, но во последните натпревари речиси на секој беше стартер. Во овој период се актуелни и најавите за нов договор.
Поранешниот репрезентативец на Англија, Дени Милс смета дека Алиоски е играч за Чемпионшип. Според него ако Лидс пронајде подобро решение на трансфер пазарот нема да го продолжи договорот со Македонецот.
„Алиоски не е играч за Премиер лигата, тој е квалитет за Чемпионшип и никогаш немаше сигурно место. Ако Лидс пронајде не толку скапо решение веројатно нема да му го продолжи договорот“, смета Милс.
Ќе потсетиме, неодамна Алиоски истакна дека посакува да остане во Лидс.