„Кралевите“ избраа наследник на Пепе!

Португалецот Пепе, после 10 години поминати во клубот, ова лето заминува од Мадрид, а изгледа дека Зидан веќе го избрал неговиот наследник.

Наводно Французинот е презадоволен од напредокот кој го покажал младиот Хесус Валехо во кого гледа долготрајно решение за местото во “срцето“ на одбраната, кое останува испразнето после заминувањето на Португалецот.

20 годишниот Валехо одигра важна улога во тимот на Ајнтрахт, тим со кој играше во финалето на германскиот куп. Младиот шпански репрезентативец, покажа голем напредок, а наводно во Реал се воодушевени од Валехо.

Она што е важно, Валехо е домашен играч и со неговиот ангажман мадритскиот клуб би бил уште повеќе “шпански“. Покрај Французинот Варана, дефанзивната линија на „кралевите“ би ја сочинувале репрезентативците на „Црвената фурија“, Серхио Рамос, Начо и идното засилување Валехо.