Кој натпревар ја отвора новата сезона во Серија А?

Неодамна беше објавен распоредот на натпревари во Серија А за новата сезона, а веќе на самиот почеток на сезона ќе имаме неколку интересни дуели.

Новата сезона започнува во сабота, 24. август, а одредени се и термините во кои ќе се одиграат натрепварите.

Први, очекувано ќе играат шампионите Јувентус. Тие во првото коло гостуваат кај Парма, а тој натпревар ќе се одигра во сабота од 18 часот.

Вечерниот термин го носи натпреварот помеѓу Фиорентина и Наполи, додека во недела натпреварите исто така ќе бидат одиграни во два термини.

Од 18 часот ќе се сретнат Удинесе и Милан, а останатите парови ќе играат во терминот од 20:45 часот. Еден натпревар се игра и во понеделник од 20:45, а во него ќе се сретнат Интер и Лече.

Треба да се напомене дека дербито во 2. коло го играат Јувентус и Наполи, во сабота на 31. август од 20:45 часот, додека римското дерби помеѓу Лацио и Рома се игра во недела, 1. септември од 18 часот.