Кој е подобар Коста или Мората? – Џанфрако Ѕола го даде одговорот!

Легендата на Челзи, Џанфранко Ѕола воопшто нема дилеми кога во прашање се напаѓачките способности на Диего Коста и Алваро Мората.

Во интервјуто за „Скај Спорт“, Ѕола помеѓу другото зборуваше и за промените во напаѓачката позиција на „сините“.

Иако Алваро Мората веднаш започна да блеска во дресот на Челзи, легендата на овој клуб смета дека тој сеуште не е на нивото на Диего Коста.

„Мислам дека е добро што Коста замина бидејќи за секоја екипа е лошо ако во својот табор има незадоволен играч. Мората е доведен како негова замена, но според мене тој не е класа. Далеку од тоа дека го сметам Мората за не доволно добар, напротив, тој има многу добра техника и се служи со двете нози, одлично игра со глава, но Коста едноставно е подобар играч“, изјави Ѕола и додаде.

„Сигурно постои причина поради што Мората не беше стандарден првотимец во Јувентус и Реал Мадрид“, заврши легендарниот фудбалер.