Коментаторот на ЕХФ: Сите кој го отпишаа Вардар мораат да размислат уште еднаш!

Тимот на Вардар предводен од Парондо игра фантастично и оваа сезона во Лигата на шампионите и во три натпревари има исто толку победи.

После заминувањата на играчите, како и стратегот Раул Гонзалез веројатно никој во Европа не очекуваше Вардар да има три победи.

Уште во првиот натпревар црвено-црните покажаа дека повторно можат да играат против секого, победен беше актуелниот европски шампион Монпелје, а вчера го совладаа и унгарски Веспреем.

Воодушевен од настапот на Вардар во досегашнуот дел од сезоната беше и коментаторот кој работи за ЕХФ, Том О’Бранаген.

Бранаген после вчерашната победа на Вардар објави твит посветен на македонскиот клуб.

„Овој Вардар нема да се предаде! Сите кои ги отпишаа после заминувања, мораат да размислат уште еднаш. Голема победа на гости кај Веспремен“, гласи твитот на Бранаген.

Ќе потсетиме, пред почетокот на сезоната експертите од ЕХФ не го сместуваа Вардар помеѓу 10-те фаворити за европскиот трон.

This @HCVardar won’t lie down. Anyone who wrote their obituary after all the high profile departures last season need to think again. Big win away against @mkbveszpremkc #ehfcl

— Tom Ó Brannagáin (@obrannt) September 29, 2018