Клоп: 2:0 е опасен резултат, нема да биде лесно во Шпанија

Ливерпул нешто слично како и против Евертон за викендот и вчера против Виљареал во Лигата на шампионите дојде до победата со два гола во второто полувреме.

Гостите од Шпанија дојдоа со идеја да се бранат на „Енфилд“ и да обезбедат колку што е можно подобар резултат со кој би останале во игра за реваншот. 2:0 изгледа како солидна позитива за клубот од „Енфилд“, но Клоп сепак е претпазлив.

„Начинот на кој игравме денес и се бранавме беа клучни. На момците им зборував да бидат трпеливи на полувреме, бев задоволен од тоа како се одвиваа работите на теренот. Во првиот дел игравме навистина добро, но ни недостасуваше само гол. Но, имаме само 2:0 и уште еден цел натпреваер е пред нас. Овој резултат знае да биде опасен, нема да биде лесно во Шпанија“, порача Клоп.