Претседателот на Барселона, Жосеп Марија Бартомеу потврди дека Кике Сетиен и следната сезона ќе биде на клупата на „Камп Ноу“.
Сетиен во јануари седна на кормилото на Барселона и медиумите постојано шпекулираат дека на крајот на сезоната ќе биде заменет.
Барселона ја заостанува во трката за титулата во Примера, па единствена надеж за трофеј останува Лигата на шампиони.
„Имавме една нетипична сезона, ќе играме во август и Сетиен ќе го води тимот. Ако го победиме Наполи ќе одиме во Лисабон на финалниот турнир од Лигата на шампиони. Наерата на Сетиен е да остане на клупата и следната сезона, ние се држиме до договорот“, изјави Бартомеу.
Сепак, медиумите оваа изјава ја протолкуваа дека раководството сака да му даде стабилност на тренерот и тимот пред настапите во Лигата на шампиони следниот месец.
Учество во игри на среќа е дозволено за лица со 18+ години. Играј одговорно!