Киелини успешно опериран: Еве кога ќе се врати на терените!

Капитенот на Јувентус, Џорџо Киелини доживеа незгодна повреда на мечот пред Наполи.

Искусниот дефанзивец ги скина вкрстените лигаменти на коленото, па мораше да биде опериран.

Тешката повреда на 35-годишниот фудбалер можеше да значи и крај на кариерата, но сепак борбениот дефанзивец не се предава толку лесно.

Киелини вчера беше успешно опериран, па беше соопштено од Јувентус дека го очекува шестмесечна пауза, а тоа значи дека ќе го пропушти првиот дел од сезоната.

Доколку рехабилитацијата течи според планот, Киелини би можел да се врати на терените при крајот на сезоната, односно во март.

„Ќе се вратам посилен од било кога“, порача Киелини после операцијата.