Каземиро: Ако одиме во Лига Европа, сакаме да ја освоиме

Играчот за врска на Реал Мадрид, Каземиро не сака да размислува за можноста „кралевите“ да не се пласираат во нокаут фазата од Лигата на шампиони.

Сепак, призна дека ако се случи Реал Мадрид да продолжи во Лига Европа, тогаш ќе дадат се за да го освојат тој турнир.

„Ако не успееме да продолжиме во Лигата на шампиони ќе бидеме разочарани. Но, ако одиме во Лига Европа, тогаш ќе се потрудиме да ја освоме. Мислиме само на победа против Мехенгладбах“, изјави Каземиро.

„Подготовките во предсезоната не беа добри, но не сакам да барам оправдувања. Играме на секои два дена и тоа е голем проблем за многу клубови. Работиме за да ги решиме проблемите бидејќи овој клуб живее само за трофеи“, додаде Бразилецот.