И Бекам е против Суперлигата: Фудбалот без фанови е едно големо ништо, тој ни треба на сите

Дејвид Бекам е добар пријател со Флорентино Перез, но и покрај тоа поранешниот фудбалер, а денешен сопственик на Интер Мајами застана против Суперлигата.

Бекам се приклучи на најголемиот дел познати спортисти ширум светот кои испраќаа критики за Суперлигата.

„Од кога знам за себе јас сум со фудаблот, го сакав како мало дете, го сакам и сега. Како играч и денес како сопственик знам дека фудбалот е големо ништо без фановите. Фудбалот ни треба на сите, затоа потребни се фер натпреварувања во кои ќе се учествува по заслуги. Ако не ги заштитиме тие вредности играта во која се заљубивме е во опасност“, порача Бекам.