Италија со пресврт ја победи Албанија

Репрезентацијата на Италија потешко од очекувањата ја победи Албанија со 2:1 на стартот на Европското првенство.

Албанија ги шокира „аѕурите“ на стартот откако поведе со голот на Бајрами после само 23 секунди, што е и најбрз гол во историјата на ЕП.

Меѓутоа, Италија брзо се опорави од раниот шок и направи пресврт до полувремето. Најпрво израмни Бастони, а потоа Барела погоди за 2:1.

Во второто полувреме Албанија пружи одлична партија и создаде неколку шанси, но не успеа да го израмни резултатот.