Интер го сака Франк Кеси, му нуди трампа на Милан

Тренерот на Интер, Антонио Конте е сериозно заинтересиран за играчот за врска на Милан, Франк Кеси,пренесуваат италијанските медиуми.

Кеси игра уште една одлична сезона и е незаменлив во тимот на „росонерите“, а Конте смета дека би бил идеално засилување за неговиот тим и човек кој ќе донесе баланс во средниот ред на „нероаѕурите“.

Поради тоа Интер е спремен да му понуди трампа на градскиот ривал и за возврат да го понуди потписот на Гаглиардини плус одредена доплата.

Трампите помеѓу миланските гиганти не се ништо ново, двата клуба одлично соработувале и во минатото.

Сепак, „росонерите“ најверојатно ќе ја одбијат оваа понуда бидејќи не сакаат да се разделат со Кеси и спремаат нов договор за играчот од средниот ред.