Меси вчера ја доби наградата Лауреус за најдобар спортист за 2022 година. Наградата аргентинскиот фудбалер ја прими на церемонијата во Париз, а со говорот одново ги налути навивачите на францускиот гигант.
Како добитник на наградата Меси одржа говор во кој ја спомна Аргентина и неговиот поранешен клуб Барселона, а не кажа ниту збор за ПСЖ.
Пред дербито, падна најважниот потпис во Манчестер Сити! ↓↓↓
„Благодарни сме на сите за наградата. Задоволство е да се биде тука и да се сподели уште една награда со други спортисти. Секогаш е убаво кога ќе добиете вакво признание. Во изминатата година го остварив мојот најголем сон, го освоив Светското првенство.
Дотогаш имав среќни моменти со Барселона и националниот тим, меѓутоа имаше и пречки кои ме направија подобар. Благодарност до моето семејство и најблиските. Го исполнив сонот потребно беше време, а титулата светски шампион е нешто најдобро што ми се случило. Ова е трофеј за Аргентина“, порача Меси.
За многумина овој говор на Меси е уште еден доказ дека ПСЖ не му значи ништо и дека чека да си замине. Во ПСЖ Меси ги помина последните две години, а во тој период дочека и да добива навреди и свирежи од навивачите.
Учество во игри на среќа е дозволено за лица со 18+ години. Играј одговорно!