За кого ќе биде посреќен: Еве како поминуваа Ливерпул и Реал кога судел Мажиќ

Денес и официјално беше соопштено дека Милорад Мажиќ ќе го суди финалето во Лигата на шампионите во Киев во кое ќе играат Реал Мадрид и Ливерпул.

Мажиќ на меѓународните натпревари правдата ја дели од 2009 година, а сега стигна до врвот на својата кариера бидејќи после едно финале во Лигата на шампионите може да посака само уште финален натпревар на Светското првенство.

Бидејќи во финалето ќе играат Реал Мадрид и Ливерпул ред е да го погледнеме учинокот на овие два клуба во кои судел Мажиќ.

Во тековната сезона Србинот немаше прилика да ја дели правдата на натпревар на актуелниот шампион на Европа и екипата на Ливерпул, но од сезоната 2010/2011 до денес пат беше арбитар во натпреварите во кои играат Реал и Ливерпул.

Мажиќ три пати му судел на Реал Мадрид, а два пати на Ливерпул. Интересно е што ниту Реал, ниту Ливерпул не знаат за пораз кога правдата ја делел Србинот.

УЕФА Супер куп 2016
Реал Мадрид – Севиља 3:2

Лига Европа 2015/2016 (1/8 финале)
Манчестер Јунајтед – Ливерпул 1:1

Лига на шампиони 2014/2015 (групна фаза)
Базел – Реал Мадрид 0:1
¼ финале
Атлетико Мадрид – Реал Мадрид 0:0

Лига Европа 2010/2011
1/32 финале
Ливерпул – Спарта Прага 1:0