Започна во Реал, се прослави во Атлетико, ветеранот потврди: Потпишувам нов договор

Од Мадрид пристигнува потврда – искусниот дефанзивец останува во Атлетико.

После вчерашната победа над Спортинг Лисабон во првиот натпревар од ¼ финалето во Лигата на Европа, 33 годишниот Хуанфран потврди дека останува во Мадрид.

„Останува во Атлетико. Се договоривме да потпишам нов договор. Не знам точно кој датум, но ќе биде наскоро“, изјави 33 годишниот десен бек на „јорганџиите“.

Хуанфран е член на Атлетико од 2011 година и до сега одигра повеќе од 300 официјални натпревари.

Интересно е што тој потекнува од школата на Реал Мадрид и што неговата сениорска кариера започна во „Б“ тимот на „кралевите“. Потоа следуваше позајмица во Еспањол, а бидејќи не успеа да се избори за своето место на „Бернабеу“ во 2006 година премина во Осасуна од каде што дојде во градскиот ривал на Реал.