Ждреб за полуфиналето во Купот: Вардар и Алкалоид повторно ќе ги одмерат силите!

Нов судир во македонскиот ракомет ќе имаат Алкалоид и Вардар и тоа во полуфиналето од Купот на Македонија.

Завршниот турнир за трофејот во Купот во машка и женска конкуренција ќе се одржи во Охрид од 11-ти до 13-ти мај. Потешкиот пат до финалето ќе го имаат Алкалоид и Вардар кои ќе мораат да играат еден против друг. Во второто полуфинале Еурофарм Пелистер ќе биде фаворит против Пролет.

Во првиот ден ќе се играат двете полуфинални средби, а победниците ќе играат во финалето на 13-ти мај./ Во вториот ден ќе играат женските полуфинални средби во кои Металург ќе игра со Куманови, а Ѓорче Петров ќе оди битка со Вардар. Женското финале исто така се игра на 13-ти мај.

Ф4 – МАШКА КОНКУРЕНЦИЈА

Алкалоид – Вардар 11 мај

Пелистер – Пролет  11 мај

Ф4 – ЖЕНСКА КОНКУРЕНЦИЈА

Вардар – Ѓорче Петров 12 мај

Металург – Куманово   12 мај