Една од најголемите победи во ПЛ: Сити го „торпедираше“ Вотфорд! (ВИДЕО)

Maнчестер Сити денес го одигра натпреварот против Вотфорд и на оваа средба изгледа дека „граѓаните“ „истурија“ целиот свој бес после поразот од Норвич во минатото коло.

Денес Сити победи со огромни 8:0.

Катастрофата на Вотфорд се најави уште во првата минута кога Давид Силва погоди после асистенција од Де Брујн. Веќе во седмата Агуеро од пенал зголеми на 2:0. За 3:0 се погрижи Ријад Марез во 12-тата, а три минути подоцна Бернардо Силва стрелаше за 4:0. За високи 5:0 на полувремето се погрижи Отаменди во 18-тата.

Со овие пет гола Манчестер Сити стана тимот кој најбрзо постигнал пет гола во историјата на Премиер лигата.

Голеадата продолжи на самото отварање на вториот дел, а стрелец на голот беше Бернардо Силва. Десетина минути подоцна Силва стигна и до својот трет гол.

Конечните 8:0 ги постави Кевин Де Брујн на пет минути пред истекот на регуларните 90.

За само еден гол Манчестер Сити не го стигна рекордот на Манчестер Јунајтед кој е тимот кој ја забележал најголемата победа во историјата на Премиер лигата од 9:0. Таа победа Јунајтед ја запиша во сезоната 1994/1995 против Ипсвич.