Дома Македонски спорт Димитриевски: Ми недостига Македонија, сега требаше да се спремаме за историскиот плеј-оф

Димитриевски: Ми недостига Македонија, сега требаше да се спремаме за историскиот плеј-оф

Италија е најпогодена од коронавирусот, а зад не е Шпанија која од денес како и Италија има повеќе заболени од Кина. Македонскиот голман, Столе Димитриевски за „Марка“ откри како го поминува времето во домашната изолација.

Димитриевски во интервјуто зборуваше дека му недостига Македонија.

„Во овие моменти ми недостига Македонија и моето семејство. Ситуацијата не е толку лоша во Македонија, меѓутоа мораме да ги почитуваме мерките и правилата. Родителите се грижат за мене, но јас сум дома и ги следам препораките кои ги даваат властите. Сите заедно мораме да го издржиме овој период“, изјави македонскиот голман.

Тој откри и како го поминува времето во изолација.

„Читам книги, една од нив е онаа на Златан Ибрахимовиќ, а исто така гледам и филмови. Тренирам секој ден затоа што морам да останам во форма“, откри Димитриевски.

За плеј-оф натпреварот кој требаше утре да го играме против Косово.

„Сега требаше да бидам со репрезентацијата и да се спремаме за историскиот плеј-оф со Косово. Меѓутоа, тоа не е важно сега, никој во овој момент не зборува за фудбал. Најважно е да го победиме вирусот“, заврши Столе.

Коментари
Advertisements
Прочитајте поврзани статии
Load More In Македонски спорт

Проверете

Летото кога Ливерпул дојде во Скопје, а Работнички на Стратев истрча на „Енфилд“ (ВИДЕО)

На 29.јули 2010 година Работнички имаше прилика да игра против еден од најголемите светски…