Дерби на вечерта во ЛШ: Реал Мадрид дома ќе „брка“ негатива против ПСЖ

Со цел да ја стигне негативата од 1:0 од првиот натпревар на Паркот на принцовите, Реал Мадрид ќе биде домаќин на Пари Сен Жермен во реваншот од осминафиналето на Лигата на шампионите, на Бернабеу во среда навечер.

Голот на Килијан Мбапе во последните моменти од мечот во Париз беше доволен за победа од 1:0, но ПСЖ и Покетино никако не се задоволни од тој резултат.

ПСЖ целосно го надигра Реал во Париз

Соочувајќи се со неговите најголеми обожаватели (Реал Мадрид), Килијан Мбапе одигра неверојатен меч и беше клучен за победата. Сепак, ПСЖ беше надмоќен во сите сегменти и резултатот не е вистински приказ на случувањата на теренот. Ако се погледне статистиката, тогаш ќе се увиди дека ПСЖ требаше да слави поубедлива победа.

Пред очекуваниот трансфер во тимот на Карло Анчелоти на лето, Мбапе се проби низ морето од бели дресови и мирно го совлада Тибо Куртоа – кој претходно го одбрани пеналот на Лионел Меси.

Европското педигре на Реал Мадрид, не е предмет на дебата и слабата нивна партија во Париз не смее да ги опушти парижани.

Неконзистентноста главен проблем за ПСЖ

ПСЖ претрпе три последователни елиминации од осминафиналето помеѓу 2017 и 2019 година, а победи во првиот натпревар со најмалку два гола разлика во два од тие прилики, така што сега ќе бидат целосно свесни дека минималната победа не значи ништо. Ова е особено важно, ако се знае дека Покетино не успеа да победи на некој од неговите последни четири гостувања во Лигата на шампионите.

Понатаму, целосно неконзистентниот ПСЖ е во чудна форма. Има многу подеми и падови и очигледно дека Покетино не може да се снајде на тоа поле. После победата над Реал, ПСЖ загуби од Нант со 3:1, па славеше над Сент Етиен со 3:1, за минатиот викенд да се случи уште еден пораз – овој пат од Ница со 1:0.

Се на се, ПСЖ има само четири победи на гости во нивните последни 10 гостински натпревари, на кои забележаа три порази и три ремија.

Реал мора да нападне

Реал ќе нападне од самиот старт и во тоа нема никаква дилема. Тимот на Анчелоти одговори на неуспехот во Париз на идеален начин со тоа што обезбеди три победи во Ла Лига од тогаш, вклучувајќи го и успехот од 4:1 над Реал Сосиедад во саботата, откако губеа уште по 10 минути.

Сепак, поновата историја не е на страната на домаќините оваа недела, со тоа што Реал Мадрид беше исфрлен во осминафиналето двапати во последните три изданија на Лигата на шампионите и само еднаш напредуваше во следната фаза на нивните последни 10 битки во нокаут рундите кога го загуби првиот меч.

Тимот на Анчелоти сигурно го пречекува ПСЖ на Бернабе во добар момент, бидејќи Лос Бланкос е во серија од 13 натпревари без пораз на домашен терен по поразот од Шериф Тираспол во Септември.

Реал Мадрид ќе биде принуден да игра без двајца стандардни играчи, бидејќи Касемиро и Ферланд Менди го добија третиот жолт картон на првиот натпревар и се казнети за овој меч. Но, Анчелоти има еден еден куп квалитетни фудбалери и не би требало да има посериозен проблем