Ливерпул синоќа загуби на гостувањето кај Свонси, а менаџерот на „лебедите“, Карлос Кавахал го даде можеби најадекватниот опис за тимот на Јирген Клоп.
Последнопласираниот тим во Премиер лигата со гранитна одбрана и контранапади успеа да го победи Ливерпул.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
„Им кажав на моите играчи дека Ливерпул е врвен тим, дека се силни, но и дека се како болид на Формула 1. Доколку болид на Формула 1 ставите во градскиот метеж на Лондон тој нема да може да се движи брзо и ќе биде како и сите други автомобили. Кога се во брзина тоа е проблем, не смееш да им го отвориш патот“, изјави Карвахал.
„Тоа е она што им го кажав на моите играчи, да ја умртват играта, да не дозволат Ливерпул да го наметне својот стил. Имавме среќа што постигнавме гол и потоа издржавме до крајот. Ова навистина не е начин на кој ние сакаме да играме, но беше добар избор за овој меч против исклучително силен тим. Моите играчи беа гладијатори и на крајот извојуваа победа“, заклучи менаџерот на Свонси.
Учество во игри на среќа е дозволено за лица со 18+ години. Играј одговорно!