![](https://sportski.mk/wp-content/uploads/2023/11/Screenshot_12-10-850x491.jpg)
Германија наредното лето ќе биде домаќин на Европското првенство, а формата во која се наоѓа оваа репрезентација на навивачите не им дава голема надеж дека можат до поголем успех на домашен терен.
Германците вчера беа поразени од Австрија со 0:2 и тоа за нив беше шести пораз во 11 натпревари во 2023 година што секако е далеку од учинокот кој навивачите го очекуваат од ваква силна селекција со големи имиња.
Лига Нации: Се освен прво место ќе биде катастрофа за Македонија! ↓↓↓
Каква е ситуацијата во селекцијата зборува и фудбалерот од средниот ред на Барселона, Илкај Гундоган кој истакна дека полошо не би можело да биде.
„Навистина сме разочарани и вознемирени. Дозволивме Австрија да создава шанси, но мораме да бидеме искрени и да кажеме дека не е проблем само одбраната, целиот тим има проблеми. Единствено добро нешто во оваа ситуација е што полошо не може.
Немаме избор и мораме подобро, секој мора да го даде најдоброто на теренот и во мартовските натпревари, друг начин нема“, порача Гундоган.