Го одигравме најдоброто полувреме, но со пораз се простивме од Мундијалот

Македонската ракомента репрезентација со пораз од Белорусија ги заврши настапите на Светското првенство во Египет (30:26).

Македонија одлично го отвори натпреварот и го одигравме најдоброто прво полувреме на Мундијалот.

Македонија дојде до водство уште во 5-та минута, но Белорусија израмнуваше. Потоа направивме серија од 4:1 и пиведовме со два гола разлика во 12-та минута.

Меѓутоа, Белорусите предводени од Кулеш веднаш вратија и брзо го израмнија резултатот, а до крајот на полувремето се играше гол за гол, па на одмор заминавме со резултат 14:14.

На стартот на вториот дел се држевме добро се до 40та минута, кога следуваше период од пет минути во кој не постигнавме гол, а Белорусија дојде до предност од 24:20.

Во следните неколку минути постигнавме само еден гол, па Белорусија дојде до највисоки плус 5 (26:21) на десет минути до крајот.

На крајот Македонија загуби со конечни 30:26 и како последнопласирани во втората група го завршивме настапот на Мундијалот.