Гвардиола потроши половина милијарда на одбрана и сака уште

Менаџерот на Манчестер Сити, Пеп Гвардиола откако пристигна на „Етихад“ потроши 500 милиони евра за засилување на одбраната, но тоа не е доволно.

После високиот пораз од Лестер, каталонскиот стратег тргна во реконструкција на одбраната и веднаш го доведе Рубен Дијаз од Бенфика за 68 милиони евра.

Англиските медиуми тврдат дека наскоро може да пристигне и лев бек, а прва мета е играчот на Ајакс, Николас Таљафико.

Ајакс е спремен да го пушти аргентинскиот дефанзивец и за неговата слобода бара помеѓу 25 и 30 милиони евра.

Гвардиола на таа позиција го има само Бенџамин Менди и сака што поскоро да го комплетира трансферот на Таљафико.